影片
更多
2022-06-21
1165 浏览
「古滑的鸡，绝不滑稽」，除左系呢间海南鸡饭专门店的著名食字口号外，相信亦系好多高手队呢间小店的评价。香港食海南鸡饭的地方唔少，有Ｄ话自己正宗，跟足传统；有Ｄ话自己属于新派特色，改良不少。对小弟黎讲，始终都系个句老土话：「只要系食到令人 "lam lam利"，个饭就系出色的海南鸡饭。」 之前去呢间驰名小店的时候，正值疫情高峰时期，小店只有外卖服务；而家恢复堂食服务，又正值平日下昼唔多人等位，终于，忍唔住要走去试，体验下点解有高手觉得呢间的海南鸡饭系「世一」。出面部分海南鸡饭，量少价钱贵不在话下，问题系饭同鸡都油腻到难以入口，多多野饮都唔够。呢个鸡饭：鸡油充斥每粒饭粒，但唔会「漏」；个泰式酱汁属于ＢＢ辣，加系只鸡或者个饭上面，够惹味之余唔会抢走饭同鸡本来的味道。重点系只鸡－鸡肉嫩滑又不失些许咬口，鸡皮更加系滑之余毫不油腻。如果有朋友担心鸡皮的胆固醇影响健康，对唔住，麻烦您地先将呢个担忧放埋一边，好好享受成个鸡连皮食的爽快感。呢个套餐对小弟黎讲唔算大份，但足以令小弟难以忘怀；加上小店精致的装修，有礼的服务态度，真系够胆讲：「呢间海南鸡，系小弟暂时食过最好食的海南鸡饭」如果我带朋友黎红磡，绝对
香港食海南鸡饭的地方唔少，有Ｄ话自己正宗，跟足传统；有Ｄ话自己属于新派特色，改良不少。
对小弟黎讲，始终都系个句老土话：「只要系食到令人 "lam lam利"，个饭就系出色的海南鸡饭。」
之前去呢间驰名小店的时候，正值疫情高峰时期，小店只有外卖服务；而家恢复堂食服务，又正值平日下昼唔多人等位，终于，忍唔住要走去试，体验下点解有高手觉得呢间的海南鸡饭系「世一」。
招牌去骨海南鸡饭（油饭）
$55
63 浏览
0 赞好
0 留言
出面部分海南鸡饭，量少价钱贵不在话下，问题系饭同鸡都油腻到难以入口，多多野饮都唔够。
呢个鸡饭：鸡油充斥每粒饭粒，但唔会「漏」；个泰式酱汁属于ＢＢ辣，加系只鸡或者个饭上面，够惹味之余唔会抢走饭同鸡本来的味道。重点系只鸡－鸡肉嫩滑又不失些许咬口，鸡皮更加系滑之余毫不油腻。
如果有朋友担心鸡皮的胆固醇影响健康，对唔住，麻烦您地先将呢个担忧放埋一边，好好享受成个鸡连皮食的爽快感。
呢个套餐对小弟黎讲唔算大份，但足以令小弟难以忘怀；加上小店精致的装修，有礼的服务态度，真系够胆讲：「呢间海南鸡，系小弟暂时食过最好食的海南鸡饭」
如果我带朋友黎红磡，绝对会推爆呢间名物－「勇记海南鸡，鸡饭滑溜真架势，冲出香港唔失礼」
张贴
