永

营业中

休息中

米芝莲星级大厨郑永麟 Vicky 新店「永 」已经开业一段时间，无谂过第一次食「永」已经要等到大闸蟹季节，多谢 @chefvickycheng 今次安排阿拉斯加皇帝蟹肉大闸蟹粉花胶煲仔饭（有片睇😎），听到个名都流晒口水🤤，清甜嘅阿拉斯加蟹肉配上味香浓郁嘅大闸蟹粉加上花胶嘅口感再配以白饭简直系一流，最后仲要起个饭焦再加蟹粉一齐食，大闸蟹粉饭焦如果配上上等香槟应该系一流嘅配搭😌。另一道菜是「永」名物，从「永」第一日开我就不停喺IG见到佢～招牌脆皮鸡，用上新鲜三黄鸡dry age，因为dry age嘅关系上油炸完依然肉质非常嫩滑而皮脆同皮下脂肪亦较少，这可算是数一数二出色的炸子鸡，但相对鸡嘅脆皮度和味道而言，我还是觉得「井巷子」的茅台脆皮鸡略胜一筹。另外一道值得一题嘅头盘系臭豆腐虎虾多士，我本人很喜欢香港地道小食臭豆腐，「永」用上自家制嘅臭豆腐再酿以虎虾虾饺成的虾多士，再配以甜酱和豆瓣酱一齐食十分惹味。此外南非鲍鱼配云南皱皮椒及海茸亦非常美味，自家制的拍皱皮椒非常醒胃。