滿福樓

营业中

休息中

2020年6月25日今晚又黎到满福楼享受丰富晚餐，一早已经订左位，今次坐喺较入位置。未正式上菜之前，可以食住餐前小食，腰果和合桃，香脆可口。今次都有点招牌小食 - 金丝脆腰果 ，甜而不腻，金丝其实系炸至金黄松脆的芋丝，芋丝切到非常幼，非常考功夫。今次呢个menu 有鸿运乳猪并叉烧丶椰子雪耳炖鸡丶风味金榜明虾球丶台式三杯焗桶蚝丶脆皮炸子鸡丶红烧脆皮乳鸽丶蚝皇柚皮唐生菜丶蟹肉烩伊面丶精美甜品。招牌菜之一的蜜汁叉烧，果然无令人失望，鲜嫩多汁非常出色，叉烧系用优质的梅头肉炮制。另外仲点左至尊焗酿蟹盖，啖啖蟹肉，焗得恰到好处的蟹肉鲜嫩味香，令人一再回味，值得推介！椰子炖鸡汤非常足料，椰香扑鼻。如果钟意食虾就一定要试下呢个风味金榜明虾球，虾好新鲜丶爽口弹牙，金榜汁充满香茅和椰汁的香味。蟹肉烩伊面的蟹肉非常多。桶蚝好大旧，唔会缩水。而甜品方面亦都好出色，芒果布甸丶蜂巢糕丶杨枝甘露丶蛋挞仔⋯⋯ 食完成餐饭，都揾唔到有不满的地方，每度菜式都咁好味，而且服务周到，每一位职员都非常有礼貌丶尽责丶致力提供最优质的服务。多谢Edward为我地写呢个Menu。