影片
更多
2021-11-02
205 浏览
餐厅：佳牛美酒 (铜锣湾)地址：铜锣湾铜锣湾渣甸街66号亨环7楼呢间喺我一间食过番寻味嘅餐厅——佳牛美酒 @niceyakinikufinewine 🐮，对上一次食过佢哋嘅A La Carte Menu之后就爱上佢哋嘅和牛，今次决定好好奖励吓自己，毕竟开始返工之后都好似无咩点善待自己🙈一个人去食饭其实又有咩好怕㖞😌，餐厅嘅店员真喺好Nice，尤其喺帮我烧嘢食嘅靓仔哥哥仲认得我😆，除咗一边帮我烧食物、介绍食物比我认识之外，仲不时同我倾偈，令我成餐饭不感寂寞🥰今次叫咗「The Wagyu」嘅Set Dinner Menu，由前菜到甜品有九道菜式，承惠$1280，我承认价钱喺偏中上，不过我都不得不否认呢间餐厅嘅和牛喺我食过咁多间扒房/牛肉类最出色、最好食嘅一间🤩，所以呢个价钱绝对喺超值🤑✝️前菜拼盘今日嘅前菜有清酒浸蚬、小麦味噌配鲍鱼同山椒酱配广岛蚝。蚬肉除咗有淡淡酒香之外🍶，仲食到蒜香同微辣嘅滋味🌶，一啲都唔腥👍✝️烤杂菜田园沙律配南瓜酱 以香烤嘅粟米芯、秋葵、车厘茄，配上新鲜嘅沙律菜同百香果，再用南瓜酱点缀🎃，半熟半新鲜，口感层次鲜明突出，餐厅连最普通嘅沙律都落足心思去整💕✝️极上和牛稀有部位
地址：铜锣湾铜锣湾渣甸街66号亨环7楼
呢间喺我一间食过番寻味嘅餐厅——佳牛美酒 @niceyakinikufinewine 🐮，对上一次食过佢哋嘅A La Carte Menu之后就爱上佢哋嘅和牛，今次决定好好奖励吓自己，毕竟开始返工之后都好似无咩点善待自己🙈
一个人去食饭其实又有咩好怕㖞😌，餐厅嘅店员真喺好Nice，尤其喺帮我烧嘢食嘅靓仔哥哥仲认得我😆，除咗一边帮我烧食物、介绍食物比我认识之外，仲不时同我倾偈，令我成餐饭不感寂寞🥰
今次叫咗「The Wagyu」嘅Set Dinner Menu，由前菜到甜品有九道菜式，承惠$1280，我承认价钱喺偏中上，不过我都不得不否认呢间餐厅嘅和牛喺我食过咁多间扒房/牛肉类最出色、最好食嘅一间🤩，所以呢个价钱绝对喺超值🤑
✝️前菜拼盘
今日嘅前菜有清酒浸蚬、小麦味噌配鲍鱼同山椒酱配广岛蚝。蚬肉除咗有淡淡酒香之外🍶，仲食到蒜香同微辣嘅滋味🌶，一啲都唔腥👍
✝️烤杂菜田园沙律配南瓜酱
以香烤嘅粟米芯、秋葵、车厘茄，配上新鲜嘅沙律菜同百香果，再用南瓜酱点缀🎃，半熟半新鲜，口感层次鲜明突出，餐厅连最普通嘅沙律都落足心思去整💕
✝️极上和牛稀有部位三款
今日安排嘅三款稀有和牛包括日本A5和牛牛翼板、日本A5和牛牛肩胛、澳洲和牛纯血M9+牛小排🐂
🐮日本A5和牛牛翼板喺牛肩胛唯一较腍嘅部位，运动量较大，肉质幼嫩好有弹性，充满密密麻麻嘅细筋同均匀嘅霜降油花，有自然嘅浓肉香，鲜甜多汁💦。佢嘅绵、滑、油脂香、多汁，配上酸汁同wasabi ，口感扎实极似食紧吞拿鱼🤣🐮日本牛肩胛喺牛膊头同颈之间嘅肉，食落有咸香牛肉味，愈咬得耐牛嘅膻香味愈渗得多出嚟🐂，蘸埋餐厅自制嘅烧肉酱仲为牛肩胛带嚟甜香味，balance咗牛肉嘅味道，味道层次提升咗唔少
🐮澳洲和牛纯血M9+牛小排
先烧半成熟，拎上碟加烧肉汁，边腌边比牛肉自己熟成一阵，再放上炉烧第两次🔥，食落有少少焦脆口感，亦喺我觉得三款牛肉入面最浓味嘅一款😋
✝️厨师精选海鲜
可以拣带子或者虎虾，我就拣咗有成只手掌咁长嘅香茅大虎虾🦐，先用香茅堆入虾壳同壳肉中间，腌制完再拎去烧，食落除咗啖啖肉厚爽口嘅虾肉之外仲有浓浓嘅香茅味，够晒惹味，虾壳仲预先起咗大部分，食起上嚟够晒方便，虾肠仲清得好干净👍
✝️蔬菜拼盘及牛骨清汤食完三款牛同大虎虾，店员送上蔬菜拼盘同牛骨清汤🍲，翠玉瓜同大菇烧香后加入酸汁同木鱼花；
牛骨汤好顺口，可以清一清口腔，喺一个好好嘅中场休息，准备食之后嘅皇牌牛肉😍
✝️炭烧澳洲和牛纯血M9+西冷
澳洲人用日本人饲养和牛嘅方法养出澳洲和牛🇦🇺，后嚟又从中培育咗罕见嘅百分之百纯正日本血统和牛，即「纯血和牛」，数量喺澳洲和牛中嘅百分之一，而呢款M9+西冷算喺澳洲出口最高级别嘅牛肉。
餐厅用备长炭烧香约3cm厚嘅西冷，肉嘅两边啱啱好烧熟，而中间红嫩多汁，火候掌握恰到完美🔥，肉同油香平衡到极致🤤，肉质有弹性一咬爆汁，非常入味，就咁食唔加任何调味已经无得顶，可以话喺我人生入面食过最正嘅和牛😻，除非有人再介绍我食更好嘅牛肉，否则佢暂时喺我嘅No.1🥇
✝️日本A5和牛配温泉蛋饭
用一整片烧香咗嘅薄切日本A5和牛放喺盖饭上再冚盖，就好似我哋平时食嘅蛋包饭咁，牛肉香透过热力渗透入饭之中♨️，再打匀温泉蛋加入饭里面🥚，唔该可唔可以比多碗饭我😆
✝️牛筋蔬菜包
韩式腩肉生菜包或者泰式肉碎生菜包就食过，用生菜包住啱啱食完嘅澳洲和牛纯血M9+西冷筋部西式食法我都喺第一次试🥬，加入埋柚子味噌、蒜片🧄、青辣椒三种配料一啖放入口，所有材料嘅配合令牛筋食起上嚟一啲都唔腻，原来呢样都喺餐厅老板嘅至爱之一呢😜
✝️特式甜品
最后食埋云呢拿雪糕🍨，配埋酸酸甜甜嘅桂花蜜糖车厘茄一齐食，呢餐真喺好perfect😚，好有满载而归嘅感觉，一定一定会再返嚟encore！
张贴
