阿久根和牛立燒店 (已結業)

旺角白布街有间烧肉舖，我诚意推荐比大家。佢麻雀虽小但五脏俱全，里面有独立嘅烧烤炉，仲有独立嘅抽气系统。我同朋友点左个风味和牛定食，有胸腹肉两块、肩胛一块同肉眼A4一块，前菜每人$8位，有件师傅炮制嘅芝士卷物寿司同埋冰头渍添，原来冰头渍即系三文鱼鼻骨嘅位置，非常罕有，食落去有软骨嘅感觉，薄身得来又脆脆地，好特别。顺带一提只要在社交平台上分享他们的相片，即可获得玉子烧一客呢。定食来到的时候有汤同埋沙律，面豉汤里面居然有大蚬，令人惊喜非常。另外沙律菜好新鲜，加上胡麻沙律酱，好有日式风味。另外日式饭上面加上日本香松，又香又脆，为白饭添上口感，可口非常。烧炉打开咗之后慢慢将肉烤好，不消2分钟肉就可以吃了，由于是和牛，入口非常有肉香，配上桌上的香料粉，可以慢慢品尝，若用来送清酒，相信亦是一个好的配搭。