慶記 (已結業)

朋友介绍黎到大角咀食一间隐世极具中国特色既 庆记。环境：位置坐落于大角咀中心，附近有工程，不过入到店内完全系另一个世界。楼底非常高，食得好舒适，完全唔会有压迫感，坐既位亦好阔落。店内点餐系用手机扫QR code点菜，非常方便，你可以慢慢谂慢慢拣，如果有选择困难症既朋友就岩哂。食物：必食推荐 小龙包（4只）＄38世界各地唔同既小龙包都会有少少分别，包括用料 时间控制 人工 ，本人好钟意呢一间既小龙包，特别系个皮，我刻意放一阵先食，令个皮有弹性d，再点少少黑醋，成粒放入口，佢既汤充满住油香，令人回味无穷。口水醉鸡卷 8件 ＄34性价比超高，此店招牌菜之一，加上口水汁既香辣，令人好开胃。店家既鸡卷即使冻食，亦可以食到鸡香，同时见到有好多透明晶体骨胶原系鸡卷内，证明非常新鲜，同埋处理得好好。茶熏煎软鸡 拼卤肉捞面 ＄60煎软鸡外脆内软，调味恰到好处，配搭酸甜汁，好开胃。 卤肉捞面用料十足，大大灯肉灯冇偷懒，好好味。百花云吞庆面 3粒 ＄54健康亦相对清淡，古早味十足，饮一啖汤彷佛置身故乡一样，令人十分感动。大大粒云吞用料亦冇偷懒，好好食。