影片
更多
2018-11-29
459 浏览
无意之间经过元朗扫街， 发现西菁街新开左一间放题，行埋去望一望餐牌，发现一位嘅放题竟然要688/位，虽然新开业只需488/位，以我食放题嘅专业角度嚟睇都算系偏贵，但系价钱绝对唔能够反映全部事实， 忙一忙餐牌发现全部顶级食材，而且仲有好多特色嘅日式食物， 感觉绝对系贵得有道理，所以就二话不说立即埋去体验一番。未入去之前首先介绍下佢嘅装修， 非常有日本嘅风情，门口挂住好多灯笼仔，似足日本大江户时代，入到去店入边， 天花板挂住七彩颜色嘅纸雨伞，非常有品味，并座位以卡位为主，已原木色作为主调，非常舒服。未食主菜先黎尝尝饮品，菊正宗嘅清酒简直系食日本菜不二之选，佢嘅清酒用冰镇着配合埋佢一套餐具都一个花系，感觉美观特色嘅啤酒特饮亦都系非常抢眼，菠萝味既Corona 、奇异果味嘅Hoegaarden!本人真系第一次饮，估唔到出奇咁夹未开始点任何食物之前，餐厅基本上已经设好头盘俾你选择，第一个头盘包括有三文鱼刺身、松叶蟹脚、法国生蚝及我最爱嘅大拖罗刺身，基本上净系睇佢嘅卖相已经觉得值回票价，同去日式嘅顶级餐厅完全有过之而无不及。首先净系食佢嘅厚切三文鱼已经同平时食到嘅唔同，鱼油丰富，法国生蚝虽然未知什
无意之间经过元朗扫街， 发现西菁街新开左一间放题，行埋去望一望餐牌，发现一位嘅放题竟然要688/位，虽然新开业只需488/位，以我食放题嘅专业角度嚟睇都算系偏贵，但系价钱绝对唔能够反映全部事实， 忙一忙餐牌发现全部顶级食材，而且仲有好多特色嘅日式食物， 感觉绝对系贵得有道理，所以就二话不说立即埋去体验一番。
未入去之前首先介绍下佢嘅装修， 非常有日本嘅风情，门口挂住好多灯笼仔，似足日本大江户时代，入到去店入边， 天花板挂住七彩颜色嘅纸雨伞，非常有品味，并座位以卡位为主，已原木色作为主调，非常舒服。
未食主菜先黎尝尝饮品，菊正宗嘅清酒简直系食日本菜不二之选，佢嘅清酒用冰镇着配合埋佢一套餐具都一个花系，感觉美观
特色嘅啤酒特饮亦都系非常抢眼，菠萝味既Corona 、奇异果味嘅Hoegaarden!本人真系第一次饮，估唔到出奇咁夹
未开始点任何食物之前，餐厅基本上已经设好头盘俾你选择，第一个头盘包括有三文鱼刺身、松叶蟹脚、法国生蚝及我最爱嘅大拖罗刺身，基本上净系睇佢嘅卖相已经觉得值回票价，同去日式嘅顶级餐厅完全有过之而无不及。
首先净系食佢嘅厚切三文鱼已经同平时食到嘅唔同，鱼油丰富，法国生蚝虽然未知什么品种，但系食到好浓郁嘅海水鲜甜味道，食完之后仲有After Taste残留口腔认真就滋味，松叶蟹脚更加系一大精彩之处， 味道极鲜甜而且蟹味浓郁，更重要嘅系可以无限encore蟹脚，食到非常治愈。而最后大拖罗更加可以话系入口即溶，拖罗嘅油脂非常丰富，食完之后满口拖罗香味
新鲜嘅海鲜唔需要特别加工，简单嘅蒸煮工序已经食到佢嘅鲜甜味美，呢个笼仔蒸大蚬简直系冇得顶，大蚬系非常巨大，而且入口鲜甜，咬开系爆汁牡丹虾刺身一直系我最爱，牡丹虾刺身够爽口弹牙
味噌甲罗烧呢款一般在居酒屋先有嘅食物竟然会喺度出现，用松叶蟹盖装住蟹膏，放喺米通上边品尝简直系人生一大乐事，虽然入边加入奄春蛋，但系就反而令佢更加香口。
最后系岩石烧，拣咗安格斯肉眼扒同埋黑毛猪扒，自己亲自烹调放岩石上边烧真系别有一番风味，岩石嘅温度平均烧出嚟嘅肉特别好味。
讲到呢度原来我只系啱啱完成左佢嘅头盘特定菜式真正嘅自选放题食物而家先至开始
任食嘅法国生蚝非常肥美，大只而且入口creamy，食完仲有After taste，钟意食生蚝嘅人一定回本。
蟹味增原只鲍鱼釜饭
虽然呢个系日式嘅制作，但系感觉就非常似香港嘅煲仔饭，因为佢整完之后个底系会有饭焦，而饭入边加入左大大只鲍鱼，卖相好够饭香而且粒粒分明
盐烧三文鱼鱼胶， 一睇就知系用好大条嘅三文鱼既鱼头，外皮烧到外脆而肉质juicy，食落充满骨胶原。呢一个鱼头真系要四个人先食得晒
刺身有几新鲜，睇相就知，不用多说
寿司精美致极
天妇罗大虾用好大嘅虾制作而成
双重芒果脆脆杯， 白色嘅系软滑嘅忌廉，入边系非常丰盛嘅芒果，食得非常满足
张贴
