強記飯店

营业中

休息中

同个波友打完乒乓波成十点几，两条友又累又鬼咁肚饿，都唔谂住话去揾ｄ好野食，是但去附近揾间舖头填饱个肚为上策。强记在湾仔屹立了冇几十年都有十几年，口碑一向都唔错，烧味尤其出名。正因如此，亦因为太夜唔想话叫𩠌食饭，所以我只系叫一碟切鸡烧肉饭双拼，多汁多彊溶，整多杯冻奶茶。朋友就只系要牛什粉同冻奶茶。一阵，大大碟既双拼饭送到，果然系好多汁同埋好多彊溶，净系彊溶送饭都掂。切鸡好鲜味，嫩滑，仲有好多油；烧肉皮脆，肥瘦适中。估唔到冻奶茶都几浓几滑，有水准！如果讲食烧味，在我心目强记在湾仔都算系数一数二。也有问波友既牛什粉如何，得到既答案亦是正面的。当然，在这老字号既食店，一班老臣子侍应既服务唔会做得太完美，但我觉得他们都算是交足功课，起码唔系偷懒呀！