影片
更多
2017-05-08
1664 浏览
打工仔, 揾钱唔多, 但又钟意食野, 间唔中都会花费多少少, 食好少少, 对自己好啲啲, 呢晚就同朋友BOOK左位食高级铁板烧料理, 佢话食过翻寻味, 朋友一向识饮识食, 佢推介既梗系信啦!我地拣左个睇落最抵食既 和菊二人精选晚餐, 每人$1140, 铁板烧类食物师傅会喺面前整, 保证新鲜卫生, 同一样既食物, 会细心咁分开两份, 摆喺靓靓碟度比我同朋友每人一碟, 店员仲会简单讲解下, 感觉好尊贵。野菜沙律 - 先黎个沙律做头盘, 蔬菜就无咩特别, 但个蟹肉真系唔错, 鲜味到呢, 精神为之一振呀!!法国生蚝杯-超钟意食生蚝, 估唔到食日式铁板烧都有生蚝食, 仲要系法国生蚝, 惊喜, 味道系即开果只, 好鲜好甜, 杯度仲有三文鱼子同鹌鹑蛋黄, 呢个配搭又几特别㖞! 活伊势海老配海胆忌廉汁 - 呢只龙虾睇住佢比师傅煮之前仲郁架, 够晒鲜活呢, 煮好后摆得靓靓, 龙虾肉味道超级新鲜, 个酱汁令成件事提升左, 超美味, 心情尤如去左外国度假, 吹著海风, 食住龙虾....woo.....活鲍鱼配鲣鱼昆布汁 - 唔系讲笑, 呢个鲍鱼又系劲弹牙, 好味过去流浮山食果啲, 净系个酱汁师傅精心配制,
我地拣左个睇落最抵食既 和菊二人精选晚餐, 每人$1140, 铁板烧类食物师傅会喺面前整, 保证新鲜卫生, 同一样既食物, 会细心咁分开两份, 摆喺靓靓碟度比我同朋友每人一碟, 店员仲会简单讲解下, 感觉好尊贵。
野菜沙律 - 先黎个沙律做头盘, 蔬菜就无咩特别, 但个蟹肉真系唔错, 鲜味到呢, 精神为之一振呀!!
法国生蚝杯-超钟意食生蚝, 估唔到食日式铁板烧都有生蚝食, 仲要系法国生蚝, 惊喜, 味道系即开果只, 好鲜好甜, 杯度仲有三文鱼子同鹌鹑蛋黄, 呢个配搭又几特别㖞!
活伊势海老配海胆忌廉汁 - 呢只龙虾睇住佢比师傅煮之前仲郁架, 够晒鲜活呢, 煮好后摆得靓靓, 龙虾肉味道超级新鲜, 个酱汁令成件事提升左, 超美味, 心情尤如去左外国度假, 吹著海风, 食住龙虾....woo.....
活鲍鱼配鲣鱼昆布汁 - 唔系讲笑, 呢个鲍鱼又系劲弹牙, 好味过去流浮山食果啲, 净系个酱汁师傅精心配制, 已经win左啦! 好想黎多一件!
和菊烟熏北海道帆立贝 - 帆立贝刺身食得多, 呢个真系未食过, 佢系半刺身状态, 煎左表层, 再放落菊花煲里面焗, 其他餐厅通常用烟薰, 菊花薰系第一次, 比一般smoky味更吸引, 阵味好清新, 成件事唔同左, 帆立贝好多汁好滑呢!
法国鹅肝伴意大利黑醋汁 - 呢个餐单真系好啱我口味, 鹅肝又系我好钟意既野, 用铁板烧整, 感觉特别美味, 热辣辣香喷喷入口即溶, 而且又无油淋淋。
近江A4和牛西冷 - 和牛西冷唔同一般西冷牛扒, 一啲都唔会靭, 而且切到细细粒, 一啖一粒更加系容易食, 肉味香浓, 再食埋啲蔬菜, 件南瓜同蕃薯又几好食㖞, 食得出系靓货黎。
最后有个蟹汤, 炒饭同埋雪糕, 个蛋饭好有镬气, 粒粒分明, 口感一流, 用白饭鱼黎炒, 几有风味, 简简单单已经好食! 雪糕就系樱花味, 劲特别, 出面好少见, 想食都买唔到, 阵花味轻轻地, 食落仲有啲粒粒, 感觉好似真系食左樱花咁, 好得意!
食完呢餐嘅感觉系非常美妙难忘, 虽然价钱唔系平, 但绝对系物有所值, 质素之高我以为自己去左中环区, 不过中环区应该要2千蚊埋单啦,元朗其实都真系几好!
张贴
