順。越南牛肉粉

营业中

休息中

餐厅：顺。越南牛肉粉地点：中环街市菜式：越南菜餐牌：下午茶餐牌简单，有汤粉（河/檬），捞檬同小食。去counter落order比钱之后等食物出。隔离就有位坐。蕃茄蟹膏蟹肉虾丸扎肉汤檬 $72蕃茄蟹膏蟹肉虾丸扎肉汤檬个汤果然系红色，浓浓番茄味，甜甜地好好饮，呢个汤配幼身檬粉又几夹。檬粉份量超多，食极都有，好滑溜！主角系一pat咸香金黄色蟹膏同有唔少去壳蟹肉，好有蟹味，令成个汤好有蟹鲜味！虾丸两粒，呈浅橙色，都算弹牙。扎肉两片，弹牙多汁。除左芽菜，仲有唔少新鲜番茄，面头再加上芫荽。呢碗蕃茄蟹膏蟹肉虾丸扎肉汤檬都几丰富，而且味道又浓蟹味又浓鲜茄味，非常出色！顺。生牛肉牛肉丸汤河 $62顺。生牛肉牛肉丸汤河个汤好清，唔似有落味精。生牛肉5片，记得唔好整太熟。牛丸3粒，虽然较细粒，不过弹牙多汁。伴有白萝卜一大件，洋葱圈，大量葱条，芽菜，葱花同脆脆。另上一细片青柠同辣椒粒等你自己调味。河粉系幼身，好淋滑。自家手工牛肉丸汤 $56牛肉丸一客10粒，伴有白萝卜一块，最后洒上葱花。个汤都系好清，份量一大碗，饮唔晒。越南炸春卷 $48越南炸春卷一客4件，炸得外皮香脆，入面好足料，有肉，冬菇丝，同红萝卜丝，