順。越南牛肉粉

营业中

休息中

餐厅：顺。越南牛肉粉地点：中环街市菜式：越南菜餐牌：餐牌简单，有汤粉（河/檬），捞檬同小食。两点就转下午茶餐牌，价钱平少少。蕃茄蟹膏蟹肉虾丸扎肉汤檬 $72蕃茄蟹膏蟹肉虾丸扎肉汤檬个汤果然系红色，浓浓番茄味，甜甜地好好饮，呢个汤配幼身檬粉又几夹。中间一pat咸香金黄色蟹膏，我唔舍得整散佢，汤面有唔少去壳蟹肉。虾丸两粒，呈浅橙色，都算弹牙。扎肉两片，质感味道都唔错。除左芽菜，仲有唔少新鲜番茄，面头再加上葱花同芫荽。呢碗蕃茄蟹膏蟹肉虾丸扎肉汤檬都几丰富，唔怪得定价比其他稍高。顺。生牛肉汤河 $62顺。生牛肉汤河个汤好清，唔似有落味精。生牛肉6片，唔好整太熟都算嫩，份量算多。牛丸3粒，虽然较细粒，不过都算多汁。伴有白萝卜一大件，洋葱圈，葱条，芽菜，葱花同脆脆。另上一细兜青柠同辣椒等你自己调味。河粉系幼身，都淋。自家手工牛肉丸汤 $56牛肉丸一客10粒，同顺。生牛肉汤河既牛肉丸一样，伴有白萝卜一大块，最后洒上葱花。个汤都系好清。莲藕虾饼 $48莲藕虾饼 一客4件，呈圆扁形，煎得热辣辣，入面食到粒粒莲藕，伴有甜酸白萝卜丝，生菜丝同薄荷叶可以同食减温同减腻。个人觉得呢度既番茄汤都几特别又好味。