順。越南牛肉粉

营业中

休息中

餐厅：顺。越南牛肉粉地点：中环街市菜式：越南菜餐牌：下午茶餐牌简单，有汤粉（河/檬），捞檬同小食。加$10可配汽水。去counter落order比钱之后等食物出。隔离就有位坐。蕃茄蟹膏蟹肉虾丸扎肉汤檬 $72蕃茄蟹膏蟹肉虾丸扎肉汤檬个汤果然系红色，浓浓番茄味，甜甜地好好饮，呢个汤配幼身檬粉又几夹。檬粉份量超多，食极都有，好滑溜！主角系一pat咸香金黄色蟹膏同有唔少去壳蟹肉，好有蟹味，令成个汤好有蟹鲜味！虾丸两粒，呈浅橙色，都算弹牙。扎肉两片，弹牙多汁。除左芽菜，仲有唔少新鲜番茄，面头再加上芫荽。呢碗蕃茄蟹膏蟹肉虾丸扎肉汤檬都几丰富，而且味道又浓蟹味又浓鲜茄味，非常出色！顺。生牛肉汤河 $56顺。生牛肉汤河个汤好清，唔似有落味精，味道唔会太浓。生牛肉几大片，口感味道都唔错。伴有洋葱圈，大量葱条，芽菜，薄荷叶，葱花同脆脆。另上一细片青柠同辣椒粒等你自己调味。河粉系幼身，好淋滑。会安鸡丝扎肉汤河 $56会安鸡丝扎肉汤河就有扎肉五片，口感弹牙当中有粒粒爽口好似软骨粒，味道都唔错；鸡肉条唔少，好健康无脂肪，口感好淋。我觉得今日三款汤粉都各有千秋。食物保持一贯水准，中上环返工人仕可一试。