鳳城酒家 (已結業)

顺德菜系香港都可以算系几受大众欢迎，迎合到大众既口味。今次黎都系叫咗啲特色嘅小菜，先同大家介绍一下。先饮个汤先，叫咗虫草花螺头炖鸡，好足料，浓得黎又冇味精既味道，好补🤪生菜奄春崧，其实系一个中式嘅生菜包。有肉碎，松子仁等等既材料炒埋一齐，好香口，唔包生菜就咁饭都正！包埋生菜就fresh啲大良野鸡卷拼炒鲜奶，呢个系我最钟意食嘅顺德菜！但鲜奶系炒到好滑，而且奶味同蛋白味都好重，好考功夫！大良野鸡卷原来系猪油味既脆卷，捞埋鲜奶食都好夹！顺德生炒桂鱼卷，呢碟菜系做得好用心好惊喜👍🏻 呢个鱼片系好新鲜，好甜，然后咬开入面系有馅料，好高质！桂花炒鱼翅，卖相十分之吸引！金黄色，系鱼翅炒蛋，鱼翅份量十分多，入面仲有虾仁同埋芽菜，口感更丰富~凤城炒饭，个饭都唔错，饭粒好分明，够哂火候！配料都好多最后到呢个甜品环节，梗系要试下呢个出边好难先食到嘅西米焗布甸！食落唔算太甜，蛋味好浓，好滑