鳳城酒家 (已結業)

上年舅父生日我同老公，表弟拣左间西餐同佢庆祝，结果被佢地边食边挑剔😅我地决定以后同长辈们食饭都系拣返中菜，唔驶惊又俾佢地弹。🙈今年我地拣左呢间位于太子嘅凤城酒家。凤城酒家系一间顺德菜馆，亦有好多款出名嘅粤菜。我地早一个星期已订枱亦订了三款需预订嘅菜式: 金钱鸡，家乡酿鲮鱼同八宝鸭。另外我地点左小炒皇，瑶柱冬茸羹同一个菜。由于每碟小菜嘅份量都好多同埋已准备蛋糕饭后食，所以我地一行7人叫左6样就已经好够食。😁凤城太子店因为系老店所以装修都比较旧式，装修，升降机同楼梯都好有老派酒家嘅风味。😆菜式比较特别，八宝鸭好大只，涵料好多鸭肉煮得好软腍，长辈们都可以不费力地享用。金钱鸡其实我地都唔清楚果名嘅由来，只食得出完全冇鸡肉成分。😂家乡酿鲮鱼好好味，外层香脆，鲮鱼肉富有弹性，妈妈同舅父都好钟意。👍其他小菜味道都唔错，最后赠送绿豆沙系成锅上。😋今次同长辈食饭终于冇人投诉，下次我地约佢地开餐都系拣中菜稳阵。😁