影片
更多
2018-07-04
398 浏览
以前细个我特别钟意去冰室，因为门口总会有一个放满面包，蛋挞既柜。想食就直接开门入去坐低。「两个蛋挞」，然后睇住个伙记系个柜到拎俾你。今日咁啱去九龙城买香料，就见到有间茶记门口居然有人排队。2，3点呢个时间都有人排队 ?原来间茶记门口又系放左个面包柜，啲人排队就系为左买面包。望入餐厅里面，下午茶时间都好多人，好自然就同朋友入左去。menu第1页就介绍左关于佢地既历史，呢间餐厅由1987开业到依家。估唔到今时今日仲有六十几蚊一个铁板餐，仲送埋汤同野饮。咁就一于落个西冷牛扒铁板餐。罗宋汤好足料，个底有唔少牛肉粒。个西冷一送到黎，大大份。牛扒一啲都唔韧，重点系一啲筋都冇，亦无将货就价。连啲薯菜都唔少，自己睇图，正所谓「有图有真相」。朋友就要左个即煎猪扒菠萝包下午茶。( 问佢觉得点。「Okay，酥皮好脆，猪扒唔硬，而且佢有蕃茄，唔会觉得太甜，几夹」)影影下，我朋友忽然闹我，影还影，做乜用手揭起佢个包。。 Sorry。。我错。。至于野饮叫左玫瑰奶茶，杯野出到黎好靓，真系放左啲玫瑰干花瓣系上面。本来以为只系花巧，但饮落真系有玫瑰花既花香，真系估唔到花茶，奶茶crossover会咁夹。餐饮加8蚊就叫得
「两个蛋挞」，然后睇住个伙记系个柜到拎俾你。
今日咁啱去九龙城买香料，就见到有间茶记门口居然有人排队。
2，3点呢个时间都有人排队 ?
原来间茶记门口又系放左个面包柜，啲人排队就系为左买面包。
望入餐厅里面，下午茶时间都好多人，好自然就同朋友入左去。
menu第1页就介绍左关于佢地既历史，呢间餐厅由1987开业到依家。
估唔到今时今日仲有六十几蚊一个铁板餐，仲送埋汤同野饮。咁就一于落个西冷牛扒铁板餐。罗宋汤好足料，个底有唔少牛肉粒。
个西冷一送到黎，大大份。牛扒一啲都唔韧，重点系一啲筋都冇，亦无将货就价。连啲薯菜都唔少，自己睇图，正所谓「有图有真相」。
朋友就要左个即煎猪扒菠萝包下午茶。
( 问佢觉得点。「Okay，酥皮好脆，猪扒唔硬，而且佢有蕃茄，唔会觉得太甜，几夹」)
影影下，我朋友忽然闹我，影还影，做乜用手揭起佢个包。。 Sorry。。我错。。
至于野饮叫左玫瑰奶茶，杯野出到黎好靓，真系放左啲玫瑰干花瓣系上面。本来以为只系花巧，但饮落真系有玫瑰花既花香，真系估唔到花茶，奶茶crossover会咁夹。餐饮加8蚊就叫得，未试过既我好推荐大家试下。
甜品叫左2个蛋挞，酥皮层次分明，蛋浆好有蛋香，甜度恰到好处。临走仲忍唔住系门口买多2个。
九龙城唔只系得泰菜，原来仲有又平又高质既茶记。
张贴
