發記甜品 (已結業)

前两日去深井探一个朋友，谂紧系佢训练只柴犬前同佢只柴犬打好啲关系，到时继续可以摸摸头、松松毛。然后见夜就出去食个甜品，发记可以带狗入内(包括男人)，咁就入埋去继续同狗松毛。入去坐低时店面干净，有人埋嚟即时落单叫甜品，作为半个芒果fans，转个头就叫左杨枝甘露芋圆同芒果鸭鸭布甸。过冇几耐杨枝甘露上先，个卖相尚可，杨枝甘露入口甜度适中，凉凉既口感配上西米既粒粒，可以咬又可以慢慢细味。而芋圆期望是软糯既感觉，实际上软是软，但没有咬口，嚼头唔够，同甜品未够夹，食落碗甜品美中不足，就似过山车去到高位之后坏机停左，半天吊，刺激咁就冇左。评价中品。芒果鸭鸭布甸上嚟，只鸭系同小黄鸭一个款，而且系用芒果汁雪成，女仔未必舍得食，不过唔食都得，一食可能见晕。布甸甜，芒果味唔错，口感细滑，配上雪糕简直仙气十足，加奶同唔加奶系两种享受，两种食法都得，直得一尝。总体感觉甜品唔错，对芒果fans还可以一试，芋圆既话就唔驶太执著鸟。