亞州家族 (已結業)

早两日,同个同事做完野,念住搭队巴返屋企,6点九,个肚有D饿,去到车站预备排队等车,见到有间叫亚州家族(开头以为系亚洲,点知将台纸同餐牌真系写亚州,不是亚洲)的餐厅,干干净净,8成满,见到门口好多杂志宣传,就入去试下.问店员,有乜快靓正,佢话海南鸡饭系招牌菜,因为老板兼大厨系星加坡名厨,又系五星级酒店做大厨之类,我地两个80后,就叫两个鸡饭,点知佢话夜晚冇套餐得散叫,鸡还鸡,饭还饭叫,仲话下午食套餐抵食,咁我地都冇计,贵D都要食饭架,咁就叫左一份鸡脾,一份烧鸡,两碗油饭,加多碟马拉椰菜苗,讲真烧鸡冇乜特别,都系滑滑地,D皮甜甜地,反而个海南鸡脾先好食,够肉地,冇骨,有鸡味,滑,加埋个油饭,很夹,个饭真系唔错,唔太油,有香味,同一般茶记冇得比.之后我地两条友一人加多一碗饭,跟住食到最尾埋单,有个大我地少少,笑笑口既人出黎收钱,问我地D食物好唔好食,我地话OK唔错,佢就好有礼貌同我地讲佢就系大厨,好想知道D客人对食物的意见,如有不满意,佢会了解再检讨,希望每位客人入来食饭之后,下次都可以再来...(下删数十字),我比佢做生意既诚意打动,所以先今日第一次写食评,支持下佢,早知食之前影埋相,算