樂園

营业中

休息中

因为姪女无啦啦入咗医院，今朝决定去探一探佢，顺道梗系去食个乐园啦刚刚去到唔使排队就有得入咁啱细佬谂住返屋企瞌一瞌叫佢过嚟一齐食埋先返去啦我哋两个人嗌咗一个葱蛋三文治烘底一个猪扒捞面沙嗲汁大家share食其实细佬未嚟之前我犹豫咗好耐嗌猪扒通粉定系嗌三文治，因为好似个肚胀胀地，再食埋个面应该再顶多啲。而家有人同我share梗系好啦。第一次试佢嘅捞面又几好食㖞，平时食汤面加沙嗲汁可能稀释咗，而家直接用嚟捞 所以味道浓啲。猪扒一如既往咁好味啦。葱蛋三文治其实就冇乜特别，不过出面又好似冇乜机会食到（其实可以自己整嘅一啲都唔难）因为呢度冇套餐食，全部嘢都分开嗌，所以感觉上贵好多。点知知用同细佬食完行出去，又撞到细妹一家，于是又同佢哋再排过再入过去，当然我冇再食嘢啦。发生咗一件小插曲，我细妹落咗单之后发现原来有红豆奶茶，想同佢改单，但系被拒绝咗话因为已经入晒电脑，费事改到麻烦。呢啲就系有性格嘅餐厅嘅服务态度啦，除咗冇得外卖之外又冇套餐 ，仲要两三点就收工，星期日唔开所以你夹到佢嘅咪继续做佢嘅忠粉啰。