順．和の味 (已結業)

餐厅：顺．和の味地点：中环南丰大厦菜式：日本菜，主打福冈水炊锅餐牌：平日午市有定食，主要跟饭，一共有12款。都有3款乌冬。鸡肉水炊定食 $188 另加一同事介绍呢度好似水炊锅系出名，所以试试。定食成个set上枱，都要等一阵先有得食，成枱人就有人先有餐，有人要等耐d。鸡肉水炊锅都几大锅，连皮鸡肉大概有4，5旧，都算滑溜，可惜鸡无鸡味。水炊锅以鸡汤作汤底，味道系好清，其实都无鸡味，汤水稍稍厚身，饮左几啖都唔口渴。另外有两粒类似鱼蛋定系鸡肉丸。蔬菜量丰富，有看似日本椰菜，豆腐，冬菇，金菇。配有珍珠米一碗，够湿润，同埋有柚子醋沙律杂菜加车厘茄，前菜系黄萝卜积物同其他积物，少料既滑溜日式蒸蛋，同糯米糍一粒做甜品。每人送一杯饮品，有柠檬茶，绿茶同柚子蜜，冻热都得。我叫左冻柚子蜜，大大杯，饮完好饱肚。食完成个餐都够饱。个人觉得鸡肉水炊锅都唔太特别，呢个价钱可以有更好选择。不过都饱同坐得可以，位置都算方便。