影片
更多
2024-09-15
2036 浏览
Tldr:如果1. 你可以排个半钟头队再等餐厅一个钟备餐；2. 想受气；3. 间餐厅冇人去食咁你可以挑战下嘅，祝好运！———不专业食评：Babyccino (玫瑰) (制作时间：25分钟）个foam有淡淡地嘅玫瑰味下面系鲜奶Melon Soufflé （制作时间：多于一小时）旧蜜瓜唔知系咪刀工问题，食到尾有一啖有啲鞋口梳乎厘连暖都唔太称得上，唔算绵密，估唔到等咁耐系咁😅———因为呢间系富临旗下铺头，所以开咁耐我都冇乜点食过，估唔到要为佢奉献第一篇食评😅最近呢间铺头做紧中秋优惠，见星期日12点几，应该唔会好多人挂，就过咗嚟，点知条队都就嚟去到电梯口最后我都由12点3排到14点先成功入座，呢个都系我个人选择，冇得怪人期间铺头入面都有吉位，我就有啲好奇点解冇放人入去，唔通真系饥饿营销？😂员工解释返因为单比较多，要人流管制。咁都合理嘅，就算入到去，厨房太多单，啲客等太耐，盏拆烂自己招牌。成功入座之后，我嗌咗Babyccino同Melon Soufflé等咗25分钟，见隔离枱（本身排队排我前面同后面嘅客人）都已经有嘢饮，甚至食紧主食，我忍唔住问一问侍应梳乎厘制作需时我可以理解，但连野饮都耐过野食
如果
1. 你可以排个半钟头队再等餐厅一个钟备餐；
2. 想受气；
3. 间餐厅冇人去食
咁你可以挑战下嘅，祝好运！
———
不专业食评：
Babyccino (玫瑰) (制作时间：25分钟）
个foam有淡淡地嘅玫瑰味
下面系鲜奶
Babyccino (玫瑰)
114 浏览
0 赞好
0 留言
Melon Soufflé （制作时间：多于一小时）
旧蜜瓜唔知系咪刀工问题，食到尾有一啖有啲鞋口
梳乎厘连暖都唔太称得上，唔算绵密，估唔到等咁耐系咁😅
Melon Soufflé
155 浏览
1 赞好
0 留言
———
因为呢间系富临旗下铺头，所以开咁耐我都冇乜点食过，估唔到要为佢奉献第一篇食评😅
最近呢间铺头做紧中秋优惠，见星期日12点几，应该唔会好多人挂，就过咗嚟，点知条队都就嚟去到电梯口
最后我都由12点3排到14点先成功入座，呢个都系我个人选择，冇得怪人
期间铺头入面都有吉位，我就有啲好奇点解冇放人入去，唔通真系饥饿营销？😂员工解释返因为单比较多，要人流管制。咁都合理嘅，就算入到去，厨房太多单，啲客等太耐，盏拆烂自己招牌。
成功入座之后，我嗌咗Babyccino同Melon Soufflé
等咗25分钟，见隔离枱（本身排队排我前面同后面嘅客人）都已经有嘢饮，甚至食紧主食，我忍唔住问一问侍应
梳乎厘制作需时我可以理解，但连野饮都耐过野食我就有啲好奇喇
问完侍应就解释返，我杯野饮系差个泡升起
转个头杯野饮就到，未有得食起码都有得饮下野先呀(食评见上）
过多几分钟，见侍应出紧几个Melon Soufflé，但系系送去排我后面𠮶两枱客人😯，令到我又再忍唔住问下侍应，话哂我都落咗单半个钟，咁侍应就话因为厨房太多单，可能乱咗，已经反映咗俾厨房听，咁唯有再等下啦
之后厨房都有继续出Melon Soufflé，但都唔系送嚟我度
过咗落单时间50分钟，我再忍唔住揾另一个侍应问，呢个侍应感觉上系经理？或者高级侍应？系一个女侍应，有染啡头发同紥髻
咁我就再问一问点解过咗50分钟都未有啦，个高级侍应竟然系胡我话我迟落单😅因为讲紧啱啱同我一齐排队嘅人已经食哂主食梳乎厘埋单走人架啦，系后过我落单嘅人都收到佢哋嘅Melon Soufflé😅😅😅然后阿高级侍应继续胡我，话厨房多单，确认我张单系喺度，已经整紧
最后等咗一个钟头3分钟先收到碟梳乎厘，计埋排队时间系2个半钟😅，不过我𠮶阵都唔肚饿，因为被间餐厅同个高级侍应激到一肚气😅(食评见上）
我一路食一路谂，餐厅门口仲话入座时间限90分钟，换言之，如果跟足规矩，我系得半个钟食嘢咋😅
正当我食到最尾一啖喺口仲𡁻紧𠮶阵，高级侍应已经用比备餐速度快一千倍嘅速度收走我个盘，如果备餐都有咁快你哋话几好呢😅
去到埋单我竟然仲要被人收加一，个加一究竟系做咩，奖励个高级侍应搞到个客一肚气，令个客唔使饿住等？😅
我都唔系话做餐厅一定要令个客宾至如归，其实如果间餐厅提供到基本野，即系正常速度送到野食，我都好少理呢啲服务态度
但而家99%系间餐厅漏单，个客人等咁耐，个侍应仲要咁嘅态度，我真系冇再多嘅耐性包容到
野食本体都系普普通通，计埋时间成本就直头垃圾，三个钟omakase都食完啦
加上高级侍应个态度完全系：系呀，多单系有甩架啦
我唯有祝呢间铺生意淡薄，可能之后啲客人先会有合理啲嘅用餐体验😅
如果你系蓝友，横掂呢间野都喺屯门，不如搭多阵车去深圳饮喜茶食探鱼咪仲好，价钱低服务好💙
如果你系黄人，落两层去食beans仲好啦💛
张贴
