金發餐廳 (裝修中)

入亚博睇show，入去食个简餐先入场，呢啲山旮旯地方，困住你，香港食肆一定抬高价钱，预左，无问题。临开show前，间间都有啲人排队，拣间少人啲快趣啲。Menu 写住「原只鲜炸大鸡脾太阳蛋饭配秘制葱油」，有我最爱嘅太阳蛋，就呢个。去到counter，同我讲话无鸡脾，转左鸡扒火腿，唔紧要，最紧要仲有只太阳蛋捞饭，你鸡脾降level变鸡扒价钱照旧都无紧要。埋单加埋杯冻柠茶$113food court 形式，自己揾位，见到有位就坐低。心急赶时间入场坐低先醒起，唔系太阳蛋咩？算，快食，唔返去理论了。平心而论，佢个鸡扒煎得脆，但啲饭好难食无口感偏淋。百零蚊碟头饭，你俾只咁嘅蛋我话太阳蛋，好明显煎左两面仲点太阳蛋？仲要得一只，无下次。