影片
更多
2013-08-12
1046 浏览
爸爸一向比较钟意中菜，对于我而言都确实几难谂今年父亲节餐厅系家姐介绍嘅≪老上海饭店≫，理所当然地我系连听都未听过嘅〜不过上海嘢我不嬲都ok，亦俾唔到其他选择，所以一试无妨丫？食之前，老上海饭店俾我感觉系「贵嘢」同「会食到正式上海菜」嘅店而事实上系连服务都沿用以前果套：饭后有热毛巾抹手 对于上海菜我唔太熟，不过整夜大家都非常满意！唯一不足系个拔丝苹果，大家都认为唔多好食...应该话系感觉好怪？家人钟意食呢类腌菜类食品，妈妈话老上海个萝卜整得好好食！我自己就钟意之后叫嘅醉猪手，够入味，又弹牙<3我自己本身钟意食鳝，呢碟清炒鳝糊当然系极速被ＫＯ啦～老上海嘅鳝糊系近年食过最好食嘅，汁稠而唔觉腻，鳝肉有口感，系我嘅最爱<3不过当然，食鳝糊最紧要系加埋炸银丝卷食！正！而炸银丝卷亦非常正宗，可见包系一层层咁卷起状，外皮因即炸而非常香脆上海熏蛋我系第一次食，蛋黄生熟刚好，流出浓稠嘅蛋汁，好好味！不过我哋刚好六个人，一人食半只就啱啱好，否则略嫌太腻了（而且食得多都怕胆固醇啦～）沙窝云吞鸡亦系食上海嘢嘅必叫之选！因此我哋都唔例外叫咗一窝～虽然睇落个汤好似好清，不过其实系劲香劲浓嘅鸡汤！云
今年父亲节餐厅系家姐介绍嘅≪老上海饭店≫，理所当然地我系连听都未听过嘅〜
不过上海嘢我不嬲都ok，亦俾唔到其他选择，所以一试无妨丫？
食之前，老上海饭店俾我感觉系「贵嘢」同「会食到正式上海菜」嘅店
而事实上系连服务都沿用以前果套：饭后有热毛巾抹手
对于上海菜我唔太熟，不过整夜大家都非常满意！唯一不足系个拔丝苹果，大家都认为唔多好食...应该话系感觉好怪？
家人钟意食呢类腌菜类食品，妈妈话老上海个萝卜整得好好食！我自己就钟意之后叫嘅醉猪手，够入味，又弹牙<3
我自己本身钟意食鳝，呢碟清炒鳝糊当然系极速被ＫＯ啦～老上海嘅鳝糊系近年食过最好食嘅，汁稠而唔觉腻，鳝肉有口感，系我嘅最爱<3
不过当然，食鳝糊最紧要系加埋炸银丝卷食！正！
而炸银丝卷亦非常正宗，可见包系一层层咁卷起状，外皮因即炸而非常香脆
上海熏蛋我系第一次食，蛋黄生熟刚好，流出浓稠嘅蛋汁，好好味！不过我哋刚好六个人，一人食半只就啱啱好，否则略嫌太腻了（而且食得多都怕胆固醇啦～）
沙窝云吞鸡亦系食上海嘢嘅必叫之选！因此我哋都唔例外叫咗一窝～虽然睇落个汤好似好清，不过其实系劲香劲浓嘅鸡汤！
云吞皮亦好薄好滑，只系我自己喜欢个汤多于云吞，因为真系好好饮！
再来就系呢味乳腐方肉，又系第一次食，好食到不得了！虽然望落无乜特别，而且又好似只系一大旧嘅肥猪肉
但事实上系香滑而唔肥腻、非常稔且食到肉香嘅「好腩肉」XD
最后要提及嘅就系小笼包，个人认为小笼包乃系上海嘢嘅精髓！一间再出名嘅店，如果连小笼包都做得唔好又成何体统呢？系咪？
当然，老上海绝对不负众望，小笼包做到皮薄、多汁、肉鲜香滑，所以就连下面嘅菜都俾我食哂～
成晚无立即被ＫＯ嘅两样就系拔丝苹果（感觉好怪）同唔知咩鸭（好干）
除此之外，老上海嘅整体分数真系可以俾80分以上！
因为连个清炒豆苗都可以做到被霎眼间ＫＯ，真系好好！而我自己亦希望会再去食～
张贴
