Thirty First of May (已結業)

庆祝圣诞节梗系要食西餐，有friend推介荃湾呢间新嘅西餐厅，二人餐都几丰富好味，于是今晚就同左羊妈妈嚟开餐我地早到，餐厅唔算好多人。我哋今晚拣咗和牛肉眼扒二人餐，啱哂食肉兽头盘先有一个沙律。我哋拣咗三文鱼牛油果沙律，一上枱就见到盆沙律色彩缤纷沙律嘅材料都几丰富，而且材料好新鲜，番茄仔酸酸甜甜，好清新好好味！餐汤我哋冇拣黑松露汤，拣咗蕃茄忌廉汤，个汤几滑几creamy的仲有用蒸笼上的餐包，暖暖又松软的包包配餐汤一齐最好食！之后有一个意粉，我哋拣咗蟹肉芦笋扁意粉。碟意粉睇落虽然细细碟，但非常足料！扁意粉挂汁能力高，每条面都有汁，好好食呀跟住就到主菜：和牛和牛用个镬仔上枱，热辣辣㗎，牛味好香，生熟程度控制得啱啱好，入口肉质好嫩另外，伴碟嘅薯蓉都好正，好香好滑，一定落咗大量牛油，非常邪恶虽然个餐唔包甜品，但食完咁多野已经好饱，饮埋杯餐饮就啱啱好啦！