蘇三茶室 (已結業)

这间自己人生意，唔系私房，但感觉就好似去咗人哋屋企食饭。虽然无装修，但可能因为系旧楼地铺，楼底非常高，感觉还算可以。呢度虽然有餐牌，但如果真有兴趣去试，我提议你预先打电话去订位，一来枱唔多，二来预订的食物，种类和味道同餐牌的确实有点出入。餐牌有的，味道可以接受，但如果预订，跟老板娘倾吓你想食乜，惊喜比较大。这晚我去食，朋友订好菜，老板娘自己落手落脚，多国菜式的精粹放在中菜式上，颇出色！相中所见，其中一味鸭胸，真系用血鸭的方式泡制，极惹味。另外一锅海鲜炒饭，根本上是西班牙炒饭中煮，也不错。第三幅是蕃茄鸡锅，我本身钟意食蕃茄(男士到了中年，健康因素更大)，所以我特别推介。其他味味都算是合格以上，但性价比不太高。我唔食牛，宴客的朋友唔食猪和羊，所以只点了鸭和鸡。听讲老板娘整猪和羊都有一手，我下次一定会试。饮酒的朋友欢迎自备酒水，听讲话不收开瓶费的，但我唔饮酒，所以无问。