新深粥店

营业中

休息中

最近因为天气冻，比较想食粥，所以今日午膳时间就到公司附近一间粥店用餐。但系餐厅嘅食物质素同员工服务态度实在令人不满。餐厅送上食物速度好快，我叫咗一碗皮蛋瘦肉粥，大概一分钟后就送上。但系碗上面有一旧生牛肉黐住，食物卫生情况唔太好。另外，令人奇怪嘅系喺午饭时间，食客通常叫嘅油炸鬼、炸两同炒面，粥店一欠奉。当我因为冇油炸鬼而改叫炒面时，店员竟然强行拎一碟炒米粉要求我代替炒面，做法实在令人费解。当炒面缺货一段时间，其他食客进入食店要求炒面时，店员竟然无即刻通知佢哋炒面无货， 都系令我对佢哋服务质素印像变差嘅原因。 随后厨房将油炸鬼炸起后，店员并无主动向食客跟进要求系需要再点油炸鬼。讲番食物质素：皮蛋瘦肉粥味道偏淡，唔系好食得出猪肉鲜味或者皮蛋嘅味道，反而胡椒粉味较特出。最后补叫嘅油炸鬼虽然啱啱出镬，但系略嫌炸得未够脆身。油炸鬼中段质感偏腍。整体而言，试过今次之后应该唔会再光顾。