Zenon Café (裝修中)

喺中环平日last minute book lunch真系唔容易😂喺OpenRice 见到依间「人气cafe」仲有位就一于试吓啦。去到坐低𠮶吓已经觉得有啲唔自在，因为真系好逼！好明显佢哋为咗做多啲生意就隔硬将啲枱摆到密密麻麻，而且因为防疫关系枱同枱之间要摆隔板，本身张枱已经细，摆完隔板都无咩位剩，同隔离啲人又坐得好近，成个感觉好狭窄好唔舒服，直程有啲似坐喺自修室一格格位𠮶啲feel😩嗌咗个pasta, 虽然出得有啲慢但味道好彩都ok, 只系服务认真一般，明明楼面都唔少人，但有一两个waitress 好似好忙咁行嚟行去但又唔系做到嘢咁👋🏼 整体用餐感觉唔太好，唔会再去。