Cafe Fabulous

营业中

休息中

估唔到系旺角揾到间咁大地方又坐得几舒服嘅楼上cafe，梳化位好宽敞，仲有broadgame玩，有机会同一大班朋友嚟都唔错。Set for two $318二人餐包1份小食、2份主菜、2款甜品同1杯饮品。食完小食同主菜其实已经几饱，份量都算多。见到有个根据月份而分嘅饮品系列，几特别，有太多想试嘅特饮，所以今次额外叫多杯饮品。炸薯角即点即炸，热辣辣颇酥脆。芝士白汁焗鸭胸意粉口感偏硬，白汁再浓稠点会更好，相反芝士同鸭胸咸香得宜。值得一赞咖喱吉列鱼柳饭，鱼柳炸衣唔太厚，鱼肉软嫩度令人上瘾。咖喱辛辣得过瘾，配鱼柳亦不错。纽约芝士饼芝士味较浓，口感厚实。Tiramisu蛋糕咖啡味唔算太浓，但配上可可脆米同朱古力酱别有一番风味。拾壹月(抹茶雪糕)偏清淡，内有碎冰。雪糕配朱古力酱香甜不腻。榛子缤纷乐鲜奶含丰盈忌廉，拌匀后细尝有麦片般嘅质感。