Orange Elephant Thai Restaurant (啟德道)

营业中

休息中

星期五晩同朋友一行4人黎到九龙城食泰国菜，朋友提议食新开的餐厅。一落巴士已见到白色颇大的招牌，几抢眼下。原本约左七点，留枱10mins, 但迟左到,再等，已经系7:45分才入座。餐厅有每日特价菜式一元作招徕，星期五系炸虾饼一共六件，配甜酸酱。啱啱炸起，热辣辣，皮薄得黎又脆口。虾肉分量十足，好弹牙，冇因为做特价而减料。另一前菜系青木瓜沙律，酸酸甜甜带D辣，都ok 的。如果真系要弹就系原本谂住做前菜的沙律系中段先上。菠萝海鲜焗饭，冇影碟𩠌。但个菠萝size偏细，而D饭，好明显冇炒匀，有D白色出现左。味道系菠萝炒饭的味道，无咩特别，但碟饭上枱时都系热到出烟的，真系有焗过出黎。青咖哩猪，猪肉切片，分量唔多。青咖哩带甜，可以另外加钱配薄饼或者系饭。我地系先配薄饼，食完再加饭，因为D咖哩好香。马拉盏炒通菜，食过嘅马拉盏炒通菜中呢碟算系唔喊，但又够味兼夹带少少辣。另外仲叫左茫果糯米饭，冇影到。茫果是甜的，但个饭只系不过不失！