Cafeholic

营业中

休息中

呢晚系沙田新城市揾野食，几乎间间餐厅都排长龙，人流非常多。所以走到隔离商场，拣左呢间CAFEHOLIC，就等左大概15分入座。是日餐汤：罗宋汤。个汤好「杰」身，好重味，但又完全无杂菜汤料，明显系味精汤。蟹肉露荀黑松露忌廉烩饭：上菜见到卖相，实在有少少失望，不过食落味道都算唔错，拉番高D分数！有淡淡黑松露香，又未至于抢走蟹肉味。个人觉得多返D露荀就好喇。焗芝士鸡肉千层面。上菜第一个反应系，好大份！每层夹有忌廉汁鸡肉，啖啖都充满芝士，最后两个人都食唔晒，食多几啖就觉得太腻。总括黎讲，呢间CAFE比我感觉几快餐，上菜速度好快，食物质素就一般。