Lost in Thai (已結業)

放工同朋友行過太子，見到有間泰式食肆，就入去試下。入面位置唔多，最多坐到10枱8枱客，空間唔算寬敞。我地order左咖哩海鮮﹑牛豬串燒﹑火山豬肉排煲﹑無骨泰式鳳爪﹑蝶豆花梳打特飲。飲品一拎上嚟，就覺得好靚，襯埋店嘅裝潢，好有置身海灘嘅感覺。咖啡海鮮唔好睇佢好大碟咁，其實入面得幾隻蝦，佢啲汁主要俾你點薄餅。個火焰山豬肉排，酸酸地幾開胃，啲骨都幾好吮，唔錯!至於泰式鳳爪，就係一般常常食到嘅味道，幾開胃，唔錯!串燒都好食，外脆內juicy, 唔會太乾。整體覺得幾好食，而且啲菜式都地道。