Lockeroom Dining (朗晴坊) (已結業)

因为最近我生日，所以我frd特意揾左间几有情调既西餐厅食饭庆祝。本身我地大头虾迟左大到，后来侍应哥哥都好好帮我地留台。餐厅环境气氛都好好呀，店主应该系足球迷，所以周围都装饰左波衫同埋足球明星既相。我同朋友本身都冇睇足球所以就唔系好知边队，不过都感受到店主既热情❤️今次叫左：💟【澳洲草饲牛柳蒜香意大利扁面 $168】💟【烧烤酱西班牙黑毛猪梅肉拼北海道元贝 $218】晚餐套餐都包蒜蓉包，沙律同餐汤既。其实蒜蓉包同沙律都好正，蒜蓉包既牛油味好香，而且我觉得沙律酱系黑醋真系好好，好有欧式感觉。但系餐汤我真系欣赏无能，饮唔出系咩黎。我就食左义大利扁面，首先蒜香味真系好浓，而且热辣辣新鲜出炉，真系好正呀～而且牛柳都好滋味同咬感十足，同面都十分夹，不过我就嫌牛柳数量唔够多，所以心入面扣左分。我都试左朋友既餐。佢既猪梅肉真系好大块，又唔韧。配上甜甜既烧烤酱汁真系好滋味。带子就ok啦～不过最惊喜系餐厅送左生日甜品比我地～系焦糖炖蛋同草莓拿坡仑呀～份量虽然唔多，但系都好满足～总结，其实呢间餐厅整肉真系好味！难怪好多人都推介呢间～下次会想试下佢哋既猪手，听讲都几出名。