Bun Cha Vietnamese (滿發大廈)

营业中

休息中

一向偏爱食越南野既我，黎到西环唔知食咩好，误打误撞黎左呢间越南菜馆即刻入去试试先！ 间店唔系太大，7-8张枱左右，但都算坐得舒服，唔会话太逼。员工好似都唔系香港人，唔知系唔系越南人呢？ 男朋友叫左个牛肉捞檬，啲牛肉系整碎左既，食落口感好特别，唔似吉野家果种牛肉饭。香料味好重，都几足料架，如果唔太爱果啲越式香料味既未必钟意 我就叫左个猪扒捞檬，猪扒比较多骨位，肉唔算食到好多，但几香几好食！同样都系好重香料味，我钟意佢啲花生令到口感丰富得多！而且好香～ 最后叫埋个纸米卷。佢包得好实，咬完一啖唔会即刻散晒，呢方面做得好好入面都好足料，有香叶、生菜、花生、虾等等，一咬落去好清新既感觉，成口都系罗勒、香茅、青草味如果唔爱好呢啲香料既未必会钟意。 总结呢间越南菜馆都几正宗，如果爱好越式香料味既你，值得一试价钱就比一般餐厅食贵少少。