影片
更多
2013-12-23
1474 浏览
往年冬至饭都会提早食, 但今年冬至刚巧在星期日, 就齐一家人拣了正日, 喺阿爸近期最爱嘅饭堂食饭. 预早一星期book位.五大一细叫咗六个小菜:--片皮鸭两食:--片皮鸭--由于是日满座, 平日喺客人面前片鸭嘅环节, 改喺门口片好先攞入嚟. 入到嚟当然冻晒啦! 至于包鸭嘅皮, 话要等厨房蒸㖞. 咁我哋见啲鸭已冻, 再等一定劲难食, 咁惟有分开先食鸭啰. 要分开鸭同皮食, 都算系第一次. 到啲皮嚟到, 啲鸭都差不多食晒了. 一试啲皮, 微暖 中间位仲冻嘅. (今次真系好失败, 对上一次嚟食好正架)-凉瓜炆鸭件--呢个就炆好入味, 正!-椒盐脆香鲜鱿--炸浆做得唔错, 入口好脆.-枝竹羊腩煲跟生菜--略嫌膻味颇浓, 一煲都有十数件羊腩, 且件件都有肉, 只有少数骨头, 都算对版.孖宝套餐:--蒜蓉白菜仔--我知天气冻, 菜价比较贵, 但都唔系咁过份呱, 呢度都唔知有无半斤菜. 幸好味道都算几好-烧腩仔--皮脆肉嫩, 但由往日食开嘅热辣辣变成微暖了.埋单 $547.00
五大一细叫咗六个小菜:--
片皮鸭两食:-
-片皮鸭--由于是日满座, 平日喺客人面前片鸭嘅环节, 改喺门口片好先攞入嚟. 入到嚟当然冻晒啦!
至于包鸭嘅皮, 话要等厨房蒸㖞. 咁我哋见啲鸭已冻, 再等一定劲难食, 咁惟有分开先食鸭啰. 要分开鸭同皮食, 都算系第一次. 到啲皮嚟到, 啲鸭都差不多食晒了. 一试啲皮, 微暖 中间位仲冻嘅.
(今次真系好失败, 对上一次嚟食好正架)
-凉瓜炆鸭件--呢个就炆好入味, 正!
-椒盐脆香鲜鱿--炸浆做得唔错, 入口好脆.
-枝竹羊腩煲跟生菜--略嫌膻味颇浓, 一煲都有十数件羊腩, 且件件都有肉, 只有少数骨头, 都算对版.
孖宝套餐:--蒜蓉白菜仔--我知天气冻, 菜价比较贵, 但都唔系咁过份呱, 呢度都唔知有无半斤菜. 幸好味道都算几好
-烧腩仔--皮脆肉嫩, 但由往日食开嘅热辣辣变成微暖了.
埋单 $547.00
题外话/补充资料：
经过今次经历, 过时过节真系尽量唔好拣正日食饭, 质素会下降呢!
(以上食记乃用户个人意见 , 并不代表OpenRice之观点。)
张贴
