niji KITCHEN (已結業)

听闻D2 Place开咗间日式蛋包饭餐厅，终于去咗试～餐厅系自助形式嘅，所以要先喺counter点餐同比钱，之后再自己揾位同取餐。今次同朋友同样拣咗呢款「茄汁鸡肉蛋包饭 」：个煎pan同个餐具都几可爱，系叉同匙嘅结合，虽然用落其实唔系好方便，但个idea几得意～份量食落都几多。饭入面都系用茄汁炒，所以配埋茄汁会有D over。如果拣番忌廉汁／咖哩汁，可能会好Ｄ。个汁蕃茄味唔系好够，鸡肉食落就普普普通。鸡蛋都几有蛋香，但唔够滑，亦冇咩特别。整体嚟讲就不过不失，唔会特别再嚟食噜。