影片
更多
2021-07-30
2928 浏览
好味指数😋😋😋😋😋回头指数⭐️⭐️⭐️⭐️开心指数🤗🤗🤗🤗🤗约咗姊妹们打边炉，朋友拣咗呢间，睇落好得意咁wor! 朋友觉得佢个门口比较难揾，因为门牌上令人比较易迷失，我好彩哋响The One 方向行过嚟，过紧马路时已经望到店名，我就觉得okay! 行楼梯上到去见到大大个牌，入到去见到有个金色龙座，都有D宫廷服放响旁边，supposed to be 系可以借嚟影相，不过我相信疫情期间都冇咩人咁做啦～4人安排咗卡位俾我哋，每个卡位都有个宫名，我哋坐「景仁宫」，点菜纸系「传哀家懿旨」，店员都著宫廷服装，装修同细节位上都颇有心思！一坐低就有一盒4款前菜，有凉拌鲍鱼、酸荞头、中华沙律同花生，个凉拌鲍鱼好好食，记得要食呢～ 另外有酱料九宫格，基本嘅酱料需要都有～🍴建宁公主· 特色卜卜蚬锅（$198）佢嘅汤底价格range 劲阔，由$168-$898不等，呢个锅外表好打卡，因为佢每种锅嘅外观都不一样，望到个锅好足料，劲多芹菜仲要劲劲劲劲多蚬配少少芫茜，我哋慢慢等D蚬卜卜卜打开，饮啖汤先，好清甜好饮，我哋准备先食晒D蚬再打边炉，因为煮得耐就会老㗎啦，D蚬大大只，好新鲜，肉质爽口鲜甜，配埋芹菜饮埋个汤，好正！未
回头指数⭐️⭐️⭐️⭐️
开心指数🤗🤗🤗🤗🤗
约咗姊妹们打边炉，朋友拣咗呢间，睇落好得意咁wor! 朋友觉得佢个门口比较难揾，因为门牌上令人比较易迷失，我好彩哋响The One 方向行过嚟，过紧马路时已经望到店名，我就觉得okay! 行楼梯上到去见到大大个牌，入到去见到有个金色龙座，都有D宫廷服放响旁边，supposed to be 系可以借嚟影相，不过我相信疫情期间都冇咩人咁做啦～
4人安排咗卡位俾我哋，每个卡位都有个宫名，我哋坐「景仁宫」，点菜纸系「传哀家懿旨」，店员都著宫廷服装，装修同细节位上都颇有心思！
一坐低就有一盒4款前菜，有凉拌鲍鱼、酸荞头、中华沙律同花生，个凉拌鲍鱼好好食，记得要食呢～ 另外有酱料九宫格，基本嘅酱料需要都有～
🍴建宁公主· 特色卜卜蚬锅（$198）
佢嘅汤底价格range 劲阔，由$168-$898不等，呢个锅外表好打卡，因为佢每种锅嘅外观都不一样，望到个锅好足料，劲多芹菜仲要劲劲劲劲多蚬配少少芫茜，我哋慢慢等D蚬卜卜卜打开，饮啖汤先，好清甜好饮，我哋准备先食晒D蚬再打边炉，因为煮得耐就会老㗎啦，D蚬大大只，好新鲜，肉质爽口鲜甜，配埋芹菜饮埋个汤，好正！未开始打边炉已经食咗几碗蚬，系每人几碗，蚬好似食极都有咁😂 我估计我哋每人都食咗廿几只蚬，即系加加埋埋至少有60-70 只甚至更多嘅蚬！
建宁公主· 特色卜卜蚬锅
$198
75 浏览
0 赞好
0 留言
🍴酒香陈年花雕浸牛肉（$148）
又系卖相好靓，出住烟咁放低，份量都算多，好多时卖相精致嘅都系得5-6 旧，呢个都有10几旧，肉质淋有肉味，渗出淡淡花雕味，正！
酒香陈年花雕浸牛肉
$148
50 浏览
0 赞好
0 留言
🍴即炸黄金响铃（$78）
一碟有6大条，嚟到真系见到金黄色，个面包满咸蛋黄，我自己钟意仲有少少脆嘅口感，所以浸5秒就食，咬落去有少少脆再加上汤汁仲有厚厚咸蛋同浓郁咸香味，爽呀～
🍴香香宫煮饺子拼盘（$88/4粒）
呢个系4款每样一粒，或者$128每样2粒，包括咗黑麦皮韭菜猪肉饺、黑松露蟹肉饺、蟹黄饺同凤尾鲜虾云吞，我好兴幸自己食到🍴黑松露蟹肉饺，呢个真心好食，饺子胀卜卜，咬开系爆多蟹肉，食到蟹肉嘅鲜味，还好黑松露味唔突出（对我嚟讲系优点）冇盖过蟹肉嘅味，呢个真心好食👍🏼
🍴黑松露蟹黄饺（$78/4粒）
呢个本身有D期待，见到佢黄色一粒咁好似好正咁，但发现冇想像中咁浓嘅蟹黄味，黑松露味都一般突出～ 正常only!
🍴白膳片（$88）
呢个切得厚薄刚好，唔会放落汤后散晒，肉质实在肥美，呢个都好好味～
另外我哋仲叫咗🍴香香宫煮肉丸拼盘（$128/10粒），入面有爽骨猪肉丸、手打鲜牛肉丸、松露芝心墨鱼丸、手打蟹子鲜虾丸、手打蟹子墨鱼丸、🍴极品棉花鱼肚（$128）、🍴鸭血（$58）、🍴蜂巢冰豆腐（$48）、🍴西兰花苗（$48）、鸡髀菇（$42）、🍴莴笋（$48），所有食物质素质素都唔错～ 而佢会将其中一D食物放响3层high tea 碟上，卖相靓之余都悭咗唔少位～
黑松露蟹肉饺
38 浏览
0 赞好
0 留言
🍴自家制薏米水（$68）
呢个用咗古色古香嘅壶装住，份量都几多，如果唔系配铁杯成个presentation 会仲完整，佢唔算好甜，薏米味够浓，都唔错，不过我觉得有埋酸梅汤会开心D🤪
自家制薏米水
$68
23 浏览
0 赞好
0 留言
呢度都算系中价边炉，食物质素唔错，但都几大碟足料，服务态度几好，坐得舒服，过咗一个开心嘅晚上🥰
张贴
