甜姨姨 (耀華街)

营业中

休息中

有日喺铜锣湾行行吓，想同个仔一齐去食刨冰透心凉下，就去咗甜姨姨度食啦。店内环境有一个大大嘅女团成员poster，粉蓝色咁，整得都几靓。小店环境都坐得几舒服，后来见到人哋个刨冰好大个，我同个仔就谂住嗌一个刨冰share嚟食。一早已经睇中咗佢个奶酱脆多刨冰，因为我哋好钟意食花生酱。等咗一阵个刨冰到啦，哗！有头咁大个，面头有粒花生酱蛋卷，白色嘅酱感觉似系豆腐味，而周围有好多花生奶酱味道嘅刨冰，另外仲有个酱可以倒落去，旁边仲配左3块迷你嘅奶酱多，而食到差不多一半，已经觉得好滞好饱，同埋我哋用匙羹撩起咗底部嘅刨冰，发现系糖不甩面头𠮶啲脆脆嚟嘅，食多2啖真系好滞饱到食唔落，总括而言，我同阿仔都觉得试过一次就够啦。