恆香冰室 (德佑大廈)

营业中

休息中

【图文可能不符】上环返工，头几次帮衬都正正常常，散叫都OK，我午餐同早餐都间唔中食下，Lunch多人排队，通常叫炒饭或炒蛋牛虾叉烧咁，味道同份量都可以。次前早餐试过一次冇下次，明明预半粒钟慢慢叹个早餐，都系炒蛋沙爹牛，等左10分钟野饮都未到，问伙计漏单跟一跟，差唔多25分钟先到。最后要我鲸吞快食，裙甩裤甩。。。点知今日去帮衬，叫午餐XO酱干炒牛河，系一早煮好预热我都算，求其毕出嚟，得一两片牛，隔离枱女士都系咁叫伙计换，先多番4至5片，乜家阵牛咁贵，定佢用高级食材我唔知？仲有餐汤食完野先送嚟，仲要唔热，杰挞挞，饮一啖即吐。好伏……经历今次之后，冇下次了！间野楼面同厨房都系求求其其.....仲要收人$66，唔好成日笑人北上消费啦，咁嘅质素叫人食，真系做衰自己。