元気寿司 (已結業)

病到死死下，瘟瘟邓邓，感冒好鬼病，撑著返工无请病假，顶到收工急回上水买晚餐外卖返屋企，食饱饱就立即食药瞓觉。未谂到食什么兜兜下之际发现原来上水有元气架㖞，试试先。一人前晚饭，10 碟差不多，应该够饱。点解无三文鱼腩刺生架，又无极上吞拿鱼腩，非常失望！病都要食好一点架麻。久候 30 分钟终于攞到外卖，我都好耐无食过刺生同寿司喇。软壳蟹手卷，元气软壳蟹一向质数有保证，非常松化、香脆又干爽，肉质鲜甜又唔会咸到死。幸运的话间中遇上膏，甘甜无比正到震！最讨厌很多寿司店都炸到石头一样硬，想咬崩牙咩。紫菜独立保鲜包装，脆到不得了！咬落去真系有裂开既爆裂声，食得过瘾。寿司饭松软干爽又咽靭，湿度同酸甜度刚刚好，好味啊！黄帝蟹柳寿司，又会咁细条既？我每次都同千两巨大蟹柳混淆啰，激气！味淡而硬实的蟹柳，唔难食，匆匆吞下算数。明太子鸡翼，无腌的鸡翼淡茂茂，好采鸡皮微暖香口，里面酿著一丁点带咸明太子，味道单调阴沉。虽然无骨啖啖肉，但试一次便够。长崎吞拿鱼刺生，招牌菜？唔掂㖞。瘦得黎腍劈劈无咬口，鞋鞋地无油脂，味道淡如水。食过超肥美嫩滑极上吞拿鱼腩后，其他吞拿鱼完全满足唔到我，返唔到转头喇。油甘鱼刺生，我非常钟意