康瑞涼茶 (已搬遷) 新店位置

每次同朋友食完晚饭后，总系觉得意犹未尽，要食下甜品再吹下水先过瘾! 当然，如果食到一碗足料又滋润既糖水，咁就非常满足啦！不过今时今日系香港地，都几难揾到间好味又多料既糖水，但意外地发现，系深水埗医局街既康瑞凉茶，除左卖凉茶之外，亦都有卖足料养生糖水，而且主打台式芋圆、仙草！ 呢晚9点几黎到，舖头外面已经围满人等外卖，舖内有冷气既位唔多，得三枱 (连医师平日诊症既枱都开埋出黎)，于是都等左一阵先有得入去食。虽然系小店，但安排都好好，入座同外卖都会派飞，唔会立立乱。 一开始以为得几款普通糖水，点知都有接近廿款食物饮品卖，而且价钱都只不过系$18-25，以糖水既价钱黎讲，已经系好抵！ 为左食到哂佢地既主打，我点左1号 特式仙草百配！糖水一上，我已经好兴奋，因为糖水面上淋左好多奶，配埋仙草一齐食就更香更滑。糖水配料真系十分丰富，有齐红豆、薏米、西米、芋圆、黑珍珠、小丸子... 热天食呢个糖水对身体唔错，因为凉阵阵既仙草有清热解毒功效，而红豆薏米则可以消脂去水肿！ 我特别欣赏d红豆同西米都唔会煮到溶或者糊口，佢地煲到依然保持到原本既形状但又够淋！另外，佢地自家制既芋圆亦要一赞，口感不但