影片
更多
2009-04-17
21 浏览
上星期复活节假刚和同事们去了澳门新葡京既自助山简直系食过番寻味个人觉得绝对比全港任何五星级酒店好响呢个周五既晚上我同另一半黎到九龙新世界万丽酒店拿著openrice的coupon谂住有六五折再送果汁既优惠于是一试佢既Patio Coffee Shop时间系由6:30pm到9:30pm但我地七点钟先去到环境其实都唔迫台之间都尚算阔落有d位都几清静但拎野食既地方就一眼睇哂要澄清一点系冇openrice coupon其实一样有六五折只系冇果汁而已其实果汁系冇得拣的只系一杯有半杯冰既橙汁真系不喝也罢寿司得几款三文鱼, 蟹柳, 腐皮, 甜蛋, 八爪鱼大家一听就知系颓野刺身又系得三文鱼同八爪鱼味道好一般不过响冇乜野食既情况下迫自己食左十旧冷盘有生蚝, 蟹脚, 青口, 螺等等但本人不太好生野随口吃了少少蟹脚没有蟹味但有雪味沙律方面其实不太差但要留意食到无耐先有螺肉...都几蛊惑汤有杂菜汤同中汤杂菜汤有意粉屋水准中汤有茶餐厅水准热荤一眼望哂咖哩鸡, 猪颈肉, 咕噜肉, 青豆, 牛仔骨 (感觉好两送feel)仲有咩芝士薯仔, 羊扒, 鱼, 荷叶饭总之一round就搞掂另外一边有d印度薄饼同烧牛肉烧牛肉一
简直系食过番寻味
个人觉得绝对比全港任何五星级酒店好
响呢个周五既晚上
我同另一半黎到九龙新世界万丽酒店
拿著openrice的coupon
谂住有六五折再送果汁既优惠
于是一试佢既Patio Coffee Shop
时间系由6:30pm到9:30pm
但我地七点钟先去到
环境其实都唔迫
台之间都尚算阔落
有d位都几清静
但拎野食既地方就一眼睇哂
要澄清一点系冇openrice coupon其实一样有六五折
只系冇果汁而已
其实果汁系冇得拣的
只系一杯有半杯冰既橙汁
真系不喝也罢
寿司得几款
三文鱼, 蟹柳, 腐皮, 甜蛋, 八爪鱼
大家一听就知系颓野
刺身又系得三文鱼同八爪鱼
味道好一般
不过响冇乜野食既情况下
迫自己食左十旧
冷盘有生蚝, 蟹脚, 青口, 螺等等
但本人不太好生野
随口吃了少少蟹脚
没有蟹味但有雪味
沙律方面其实不太差
但要留意食到无耐先有螺肉...都几蛊惑
汤有杂菜汤同中汤
杂菜汤有意粉屋水准
中汤有茶餐厅水准
热荤一眼望哂
咖哩鸡, 猪颈肉, 咕噜肉, 青豆, 牛仔骨 (感觉好两送feel)
仲有咩芝士薯仔, 羊扒, 鱼, 荷叶饭
总之一round就搞掂
另外一边有d印度薄饼同烧牛肉
烧牛肉一啖就食完
因为食左一啖已经唔想食
好了甜品其实不错
但手快有手慢冇
因为refill得好慢...
我见佢九点钟开始先陆续refill d cake
大佬...d人都开始走啦???
雪榚为什么不是Haagen Dazs????
系蓝色盒的雀巢......
唉
连唯一加分的地方都没有了
有云呢拿和芒果...
食食下云呢拿冇哂...
d客"毕"得好辛苦...
但staff视若无睹..
9点3先施施然拎士多啤梨味出黎...太无诚意吧?
唯一较好既系咖啡奶茶柠茶自己无限任斟
不过就变左冇得饮冻了
3个钟时间绝对够食
好佩服自己坐低左2个半钟先走人
埋单最后每人$262.1
其实佢原价好似系3百几
但如果3百几蚊都系咁既水准
我想客人会好火的
我唯有当佢系一个$240既超值五星级酒店buffet
咁样可以令自己安慰一点
老实讲出面好多酒店都要接近三百蚊一个dinner buffet
佢咁既价钱真系好具竞争力
不过一分钱一分货...
五星级酒店点解无啦啦搞六五折buffet???
我情愿佢upgrade佢既食物好过
上星期响新葡京果餐连加一都系$262
价钱一样但澳门真系赢成十条街
冇办法..印象太深刻...差距太大
香港帮唔落手...
谂谂下不如过大海再食多次...
张贴