影片
更多
2013-03-31
308 浏览
12月1日, 今日出到铜锣湾, 好想锯个铁板扒~ 不过铜锣湾铁板扒餐选择唔系太多, 好食出名𠮶几间又一系无位一系太贵… 结果拣无可拣之下求其去咗以铁板打响名堂, 不过质素却每况愈下嘅花园餐厅开餐算…::: 铁板西冷牛扒配薯菜 ::: $51餐汤同餐包都系呢d港式西餐不可或缺但亦系最求其嘅一环… 餐包细细个形状歪歪斜斜, 睇住侍应随手夹起几个放入微波炉系咁二叮热佢就罢就, 面包面唔知点解系油油的… 不过虽然卖相求其, 味道都算系ok. 跟餐嘅罗宋汤只系半兜多dd, 好在d蔬菜份量都唔少~铁板西冷上台, 侍应随即亦拎住蒜茸同黑椒汁比你拣, 示意你准备好摊开餐纸帮自己遮一遮, 然后就将酱汁倒落热辣辣嘅铁板之上~ 西冷牛扒份量比想像中多! 两大块牛扒淋上酱汁之后香气更加浓烈惹味~ 牛扒都预咗唔系靓扒, 但起码今次呢块唔会腌到好霉, 咬落仲有d弹性, 食落都有d牛味. 牛扒底部照样有d唔多配搭嘅小棠菜同薯条等被酱汁辣㶶同浸腍… 不过嚟得呢度都系志在个铁板扒je… 对薯菜要求都唔系咁多…冻柠茶呢个真系要赞~ order咗少甜少冰都做得到! 茶味浓柠檬味亦够, 如果几片柠檬可以切番薄d易笃d就更好~
::: 铁板西冷牛扒配薯菜 ::: $51
餐汤同餐包都系呢d港式西餐不可或缺但亦系最求其嘅一环… 餐包细细个形状歪歪斜斜, 睇住侍应随手夹起几个放入微波炉系咁二叮热佢就罢就, 面包面唔知点解系油油的… 不过虽然卖相求其, 味道都算系ok. 跟餐嘅罗宋汤只系半兜多dd, 好在d蔬菜份量都唔少~
铁板西冷上台, 侍应随即亦拎住蒜茸同黑椒汁比你拣, 示意你准备好摊开餐纸帮自己遮一遮, 然后就将酱汁倒落热辣辣嘅铁板之上~ 西冷牛扒份量比想像中多! 两大块牛扒淋上酱汁之后香气更加浓烈惹味~ 牛扒都预咗唔系靓扒, 但起码今次呢块唔会腌到好霉, 咬落仲有d弹性, 食落都有d牛味. 牛扒底部照样有d唔多配搭嘅小棠菜同薯条等被酱汁辣㶶同浸腍… 不过嚟得呢度都系志在个铁板扒je… 对薯菜要求都唔系咁多…
冻柠茶呢个真系要赞~ order咗少甜少冰都做得到! 茶味浓柠檬味亦够, 如果几片柠檬可以切番薄d易笃d就更好~
::: 西班牙汁龙俐柳配意粉 ::: $42忌廉汤虽则系有粟米料, 但系饮落好清好稀, 味道欠奉… 忌廉质地唔系杰𠮶只, 都似系落咗味精吊味.
龙俐柳有炸过嘅感觉, 有少少脆口, 所以都可以接受, 鱼味唔会有期望, 但求唔好只系有雪味, 呢个已经算唔错~ 西班牙汁亦即系甜甜酸酸嘅茄汁味, 味道尚可, 捞埋个唔太弹牙, 不过唔淋嘅意粉, 叫饱肚咁啦~ 亦估唔到佢有咁多粟米, 不如落多d去个忌廉汤度仲好啦…
虽然话就话花园餐厅食物好似每况愈下, 但其实依旧有唔少捧场客, 多数都系放lunch嘅打工仔或者后生仔女啦~ 毕竟几十蚊可以食到个餐汤餐包餐饮全包嘅铁板餐, 其实又真系好抵食嘅! 张贴
