小念頭 (通菜街) (已搬遷) 新店位置

上次已经觉得好满意，喜欢呢个小空间同店主嘅出品。平日黄昏时间人流唔会太多，我地坐左喺梳化位置，十分舒适餐牌供应甜点、饮品，最近仲有贝果添，甜点类定价$45-60，当日有泰式奶茶戚风、焙茶栗子卷蛋、伯爵茶芝士蛋糕等。每人低消一个项目，好合理，毕竟小店空间有限。虽然仲想试多几款，但太接近晚饭时间，只好先试左呢款紫薯圈。流心紫薯圈 $52台湾好多cafe都有供应类似嘅蛋糕，香港则比较少见，有唔少朋友介绍过，果然冇令我失望。紫薯圈就唔系话好大只，以两层戚风蛋糕夹住手制成蓉嘅日本紫薯，而中心再加入紫薯奶，一切开就紫薯奶涌出，有澎湃嘅流心效果，颜值好高蛋糕体湿润松软唔干，亦无粗糙感。紫薯蓉味道香浓天然，略为甜啲，保留少许粒粒口感。中间嘅紫薯流心奶香十足，配合蛋糕一齐食唔会腻口。金边玫瑰杞子桂圆茶 $46蒸完身就选择热饮啦，桂圆茶感觉好养生，里面有杞子、桂圆肉，味道清润，想对浓茶比较无负担。芝士奶盖炭焙乌龙友人点嘅冻饮。