雲石小姐 (已搬遷) 新店位置

系IG上关注左好耐，今次终于买左。去拎蛋糕既时候，店员从雪柜拎出黎即场包装，同时会交代d注意事项，包括三个钟以内食以保证流心效果，同埋一定要避免碰撞等等。呢个蛋糕真系好靓，系dripping cake既感觉，芝士奶盖上面有花生碎点缀，简单雅致。因为从尖沙咀山长水远拎返屋企，虽然已经小心，但系拎到屋企芝士奶盖都有再滴多一层落黎既感觉，不过佢个样都系无受到太大既影响。佢既芝士味真系好浓郁，但系唔甜唔腻，蛋糕本身轻盈松软，所以6吋既，两个人都好快食晒。