INN - I’m Not Nothing (已結業)

讲到觅食，点可以少咗我呢？今日我就嚟到元朗，呢度嘅大街小巷特别多美食，等我周围睇吓先。有间叫INN嘅西嘢，好似几好食咁，就拣你啦！好，坐低睇吓有咩好食先！南瓜汤，饮落好柔滑，而且十分浓稠，南瓜味突出，越饮越上瘾！香烧焗猪肉眼配肉桂苹果酱，有好多配菜，薯蓉食落冇颗粒，芦笋则十分爽口，望返主角，猪扒好厚身，但系一啲都唔老，仲好juicy，配埋肉桂苹果，正！蟹肉南瓜意大利饭，忌廉绵密嘅口感搭配蟹肉嘅鲜甜，同意大利饭简直系perfect match，食到人一啖接一啖，美中不足系意大利饭有少少冧，但系除此之外非常完美！香蕉朱古力奶昔，朱古力唔会太甜，加埋甜甜嘅鲜忌廉，好满足！士多啤梨蓝莓奶昔，原本以为会好腻，但饮落意想不到地清新，又唔会好酸。