人和月雞煲火鍋店 (已結業)

今次同朋友食饭叫咗$298嘅套餐。我地拣咗麻辣鸡煲，睇得出个鸡煲落足料，有八角、芫荽、原粒辣椒，好惹味🔥不过我唔食芫荽☺️所以整晒出嚟，系到提醒各位唔食芫荽嘅朋友，记得走芫荽！鸡件正常份量，鸡肉都算多，整体正常。之后打边炉拣药膳牛奶汤底，另一台朋友叫咗沙嗲汤底。药膳牛奶汤底都好足配料，不过闻落去冇奶香味，沙嗲汤底阵味就超级香浓，十分推介沙嗲汤底👍🏻饮品有汽水同埋佢自家制嘅冻茶，蜂蜜菊花露几好饮，洛神花茶酸酸地几开胃，但系有一支蜂蜜菊花露特别甜😅调配个位职员应该唔小心落蜜糖落得重手咗。打边炉配料自行出去拎，有唔同类型嘅丸、菜、菇。种类唔会特别多，不过都够食啦。牛肉方面，推介大家食牛胸爽！咬落去真系好爽口，超级好味，而且出面好少见。肥牛一般😓脂肪比例太多，虽然重牛味但好容易会食济。海鲜方面，海虾都算新鲜，正常味道。墨鱼滑同虾滑十分推介😋墨鱼滑入面有马蹄，所以食落好爽口，而虾滑入面嘅蟹籽都算多。整体海鲜都好好味。甜品方面，选项唔多，有冻凉粉同热豆腐花。虽然冇雪糕有少少失望，不过佢有唔同配料比你加落啲凉粉到，有oreo饼碎、抹茶味饼碎、小丸子etc。豆腐花都算正常，唔会好浓石膏粉嘅味，都算好味。