不見不散 (已結業)

其实上星期六已经食过一次，当时叫咗两份扒，一份五成，一份七成，而两份扒嘅出餐时间相隔好耐，而且七成熟竟然生过五成熟，仲出晒血水，结果又要等佢煎过先有得食。另一重点系食物唔热，汤、意粉、扒都唔热，唯一好食嘅就系蒜蓉包。后来我喺社交平台向店家反映，佢都讲咗原因同承认出错，所以我认为要俾多次机会佢。事隔一星期，今次一家三口去食，我照旧食牛扒，老公叫咗肉酱意粉，一齐share俾大小姐就啱啱好。蒜蓉包仍然系出色，今日餐汤系蘑菇汤，好香，可惜饮落比较淡同好稀，稍为逊色。食品全部热辣辣上枱，老公话肉酱意粉好好味，连奶茶都好得，可以再encore 。我食完份扒，个汤都仲系热，劲！感谢店主pm我讲返原因，人总有出错嘅，最紧要肯承认同改善，值得赞赏！全靠店主，我先无错过一间咁好嘅餐厅，食到咁满意嘅西餐，连老公都满意先系最难得！