Chapter 1 Cafe (已結業)

包场搞私人 Party ， 本身对旺角既楼上 cafe 食物准冇咩期待，但呢度既饮品同野食竟然颠覆过去既印象。水果茶既水果新鲜，似乎系即日采购，士多啤梨味浓，沟埋特别调较既红茶，好味过 D 字开头个间 Cafe 既人造水果味多多声。饮到士多啤梨曾经系田野间摇曳既自由，真系任何用餐时间都好适合既茶，用小蜡烛坐热住冬天唔惊冻左，暖笠笠。绿茶 latte 仲系保留苦苦地既绿茶味，欣赏，最憎饮到甜到漏既绿茶野。炸物拼盘，有鱼柳，咖哩角，肠仔等，炸得香脆，浓厚既红果味中和左呢度既油腻。鸡翼有蜜糖， 香蒜等味道，因为事先腌左好入味，个皮焦焦既地方最惹味。焗芝士啡菇，好香既芝士味，咬落啖啖肉，可惜我唔中意沙律酱，睇得出有用心配搭配料，加左啲烟肉。菇新鲜冇臭味。黑松露意大利饭，粒粒饭都被包上忌廉汁，奶油同黑松露香味到天衣无缝。值得一提呢度所以 pasta 煮到 al dende 既口感确系唔讲得笑。p.s. 呢度包场超抵玩