芋圓屋

营业中

休息中

去开显径揾食，顺便去埋另一间都系地点比较隐蔽嘅小店食糖水。芋圆屋位于一众村屋嘅后面，但店舖好贴心系前排村屋附近位置放有指示牌，跟住行就ok。小店地方唔大，所以主力做外卖。当日点咗3款糖水，分别系芋圆屋大杂烩同爆脆芒果西米捞。芋圆大杂烩嘅芋圆够chewy，唔会系好腍冇咬口嘅质感。紫薯波好足料，食落好重蕃薯味，而且口感够滑，唔会有渣。糖水底甜度适中，唔会死甜。一碗里面有唔同质感嘅配料，食落口感唔错。爆脆芒果西米捞水准都不错。芒果够甜，果肉熟得嚟唔会系过份，够新鲜唔会腍啤啤。爆脆珠珠几得意，令整个甜品口感赶升。坊间都有类似嘅芒果西米露，但整体嚟讲呢个都算系高质。环顾显径四周好似冇乜甜品小店，下次嚟开揾食顺便试埋都系个好选择。