嘉豪酒家 (已結業)

上星期六与老爸及弟弟到此饮茶, 去到时人多要搭台, 一张细台分ABC 三张单, 坐咗6个人。点心都叫上得快, 我地叫了烧卖、蒸粉卷、叉烧包, 味道一般, 反而那碟煎虎皮椒, 却有点意外的好食, 好惹味。跟住搭台的食客相继走咗。原本有一个会来的家人, 临时有事来不到, 咁埋单时叫侍应减返一个茶位, 个侍应话要经理先减得。跟住嚟咗个男经理, 好凶的话冇得减, 同佢理论, 个经理就破口大骂我地, 话我地罢住张台, 冇得俾人搭台, 食几个钟, 食饱依家走人又话要减返个茶位, 态度非常恶劣….我地之前也是搭台坐…客人走咗佢地唔再入客搭我地台, 关我地咩事? 食饱埋单走, 讲返事实人数, 又有咩问题? 我饮咗几十年茶, 边有唔减得茶位架!之前有一次, 又系佢, 我地叫咗点心好耐, 追极唔嚟, 而要赶时间走, 梗系埋单取消喇, 佢又系一路埋单一路闹!我估佢系见我地一老一弱一个女人仔, 就「虾」我地…….我地唔系俾唔起果几蚊茶钱, 而系俾佢咁多次无礼对待。今时今日, 以客为先, 竟然仲有d 咁差的服务, 觉得不能不公诸于世, 写出来, 都系想佢地正视问题, 作出改善。