囍慶酒家

营业中

休息中

做野来到大围显径，午餐时间充足，又唔想同人迫茶餐厅。见到原来囍庆系显径开左间新铺，装修好靓又够光亮，最紧要系干净！大厅已经坐得七七八八，被安排入坐房入，但抵赞系长期有个阿姐企房门等候服务你！唔怕入左房无人理！竟然发现可以两只装虾饺和烧卖，呢间老板果然细心，照顾到一两个人来饮茶既人！亮点又出现！条条肠粉都唔标明即制，反而叉烧肠系即烧即制！唔系唔试呀！？点心种类够多，d点心分类名称都充满趣味，大家有无留意到？连甜品都有咁有特色！黑椒金钱肚：好入味，仲有南瓜粒，辣中有甜。虾饺：大粒又多虾！出色！棉花鸡： 要知酒楼龙与凤，点点棉花鸡就知！呢间系鱼肚，无错，系鱼肚！（某些系用猪皮扮鱼肚）烧卖：用料足，虾肉和猪肉比例好！鲜虾腐皮卷：啖啖鲜虾！鱿鱼须：我钟意既菜式，炸得香脆，绝对唔韧！即烧即制叉烧肠：出场啦！果然名不虚传！粉皮非常滑，而且好有口感，唔会好似好多粉浆住个口！最后，当然系点甜品作完美既终结！擂沙汤丸：系大大粒黑芝麻汤丸。姜汁双皮奶：够奶味！芒果布甸：粒粒新鲜芒果！整体来讲，食物质素好！职员都好helpful，上菜都好快！所以甜品真系要食到后段先好落单！临走见到晚市做紧任食火锅，仲要系极级